موضوع خلط الدكساميثازون مع الفولتارين
طبعا هالمنشور بخصوص خلطة الدكساميثازون مع الفولتارين ومرات يدمجون وياه مضاد حيوي ..
نشرت هالمنشور بمناسية البرد وتغير الجو ...
يعني شخص يروح للصيدلية عنده نزلة برد وشويه رشح اول قرار يعطيه هذه الخلطه المدمرة.....
نزلة البرد هي عبارة عن viral infection (اصابة فايروسية) يعني تستمر من 3 الى 7 ايام ووحدها تروح بسبب انه الجهاز المناعي مالتك قادر على مقاومتها ..
طيب نشوف تركيب الخبطه ...
1- دكساميثازون هو عبارة عن كورتيزون لعلاج الحساسية والالتهابات عمله في نزلة البرد يخلي جهازك المناعي يتوقف عن القتال مع الفيروس لذلك من شخص يكلك ماارتاح الا على الخبط هذا لان عمل الجهاز المناعي في مقاومة الفيروس تثبط وبالتالي الرشح راح او قل لكن المشكلة وين ؟؟
المشكلة انه بمرور الوقت جهازك المناعي متعود ميقاوم فمن تريده يقاوم راح يفشل هاي واحد الامر الاخر انه يسببلك ضغط وسكر يعني لو متحمل هالاسبوع علما يروح الفايروس مو احسن الك ؟
2-الفولتارين هو عبارة عن مسكن الام غالبا يستخدم للمفاصل طيب مرات الفايروس يسبب الام بالعظام ومن تاخذ الفولتارين يروح الالم زين المشكلة وين ؟؟
المشكلة انه مع الدكساميثازون يتثبط معظم عمله ويزداد السايد افيكت (الاثار الجانبيه ) اللي بمرور الزمن راح يخلي اعظامك وجسمك تعبان ...
3- مضاد حيوي هو عبارة عن Anti bacterial (مضاد بكتيري) المشكلة وين؟
المشكلة انه اصلا ماكو بكتريا هذا فايروس والفايروس يختلف عن البكتريا وماكو ترابط الا اذا اتحول الفايروس الى بكتريا ثنائية (secondary bacterial infection ) اللي تكون اعراضها سخونه مع التهاب شديد بالبلعوم او الحلق بالتالي من ماكو داعي لاستخدامه راح يخلف عليك فقط الاثار الجانبيه اللي موجوده بكل دوه وماكو دوه يخلو من الاثار الجانبيه بالاضافه الى انه يسويلك حساسية مفرطه بمرور الوقت زين واحد يسال يكول يمكن يتحول الى بكتريا ثانويه ليش مااخذه للوقاية من البداية واخلص ؟
اجاوبك .. الدول المتحضرة والمصنعه للادوية اخر شي تستخدمه المضاد الحيوي (last line) ليش؟ لانه الجراثيم اللي بالجسم راح تعرف طريقه العمل وبالتالي السنه اللي بعدها من تاخذ هالمضاد مايفيد وياه الا تاخذ من غير سلاله وتستمر المعاناه وتستمر الاثار الجانبية ....
يااخوان رجاءا لحد ياخذ او يعطي او ينصح بالخلطة المدمرة ....
اسال الله التوفيق ...
للمتابعة 👈👈 محمد بيان
لاتنسى الاعجاب وبتعليق حلو حتى استمر بالنشر وافادتكم ....
تعليقات
إرسال تعليق