اساسيات الطوارئ

اساسيات الطوارئ .. لازم تنحفظ حفظ من قبل كل طبيب او ممرض
وطبعا هي امور معروفه جدا (مو جديدة) .. بس ننزلها للفائدة فقط

اي مريض يجيك للطوارئ متعرض لحادث او فاقد الوعي .. اهم شي بلأول لاتنخبص وبعدها ابدي بهذهِ الخطوات (بالترتيب) اللي همه مرتبينها حسب الحروف 

(ABCDEFGHIJKLMNOPQ)

A=Airway:- Check patency, adjuncts, give 

oxygen
اول متستلم المريض جيّك خشمه و حلگه ولاحظ انو اكو شي يسد التنفس او لاءء  .. مثل secretions او blood او foreign body .. واذا اكو شي لازم توخره حالاً .. ومرات لسان المريض نفسه ممكن يسد المجرى التنفسي

B=Breathing :- Check for air entry and pneumothorax

الخطوة الثانية تشوف المريض يجر نفس لو لا؟ وتقيس ال respiratory rate.. واذا يتنفس صدره يصعد وينزل بشكل متناظر .. تخلي السماعة على جهتين من صدره وتشوف النفس متساوي بالجهتين او اكو جهة ماتسمع بيها صوت الهواء معناها احتمال pneumothorax مثلا .
وهنا لازم تتخذ اجراء فوري حتى تخلي chest tube.

C=Circulation:-  Insert IV lines, take 

bloods and gas, give fluids الخطوة الثالثه تشوف المريض كاعد ينزف من اي مكان؟ وبنفس الوقت تقيس النبض والضغط حتى تشوف اذا كان عنده حالة shock او انخفاض حاد بضغط الدم ..وتخليله كانيولا وبنفس الوقت تسحب دم للتحاليل ولتحضير الدم اذا تحتاج .. وتخليله مغذي لان اغلب الاحيان يكون المريض فاقد سوائل خاصة مرضى الحوادث

D=Disability:-  Check GCS
هنا لازم تجيك المريض واعي؟ يكدر يتحرك لو لا ؟ .. وافضل طريق هو Glasgow coma scale .. اللي يحددلك نسبة الوعي عند المريض ..

E=Exposure:-  Check temperature and do full exam
بهاي الخطوة لازم تكشف المريض وتجيك كل اجزاء جسمه ..وبنفس الوقت تحافظ على حرارة جسمه لان اهم شي مايبرد جسم المريض .. لان ال hypothermia  .. بيها مشاكل كلش جبيرة على حياة المريض

F=Fluids :- Have you given a fluid challenge. Consider catheter
هنا لازم تجيك شكد فاقد المريض سوائل .. وتخلي صوندة ادرار حتى تشوف نسبة ادراره اللي تكدر تعتبرها احد مقاييس حالة المريض العامة ونسبة فقدانه للسوائل وشكد يحتاج تعويض

G=Gas:-  Have you checked an ABG or VBG? When do you need to repeat this? هاي مو دائما متوفرة عندك .  بس لازم تخليها ببالك .. اللي هي نسبة الغازات بالدم
(Arterial or venous blood gas analysis)

H=Haematology:-  Have you sent all the bloods you need?
هنا تجيك التحاليل اللي لازم تدزها بعد ان سحبت دم بالخطوة الاولى .. شنو اللي تفكر بيه وشنو اللي تحتاجه من
تحاليل اضافيه

I=Imaging :- Have you ordered a CXR and looked at the most recent imaging? Is there anything else you need: U/S or CT?
بهاي الخطوة تدز المريض اشعة للمكان اللي انت شاك بيه
خلل .. او اذا تحتاج سونار (FAST ) .. او مفراس او غيرها

J=Jobs:-  (nursing) Have you allocated jobs appropriately to nurses (e.g. ECG or urine dip)

K=EKG:-  (ECG) Have you looked at the ECG (and compared it to previous)?
تسوي تخطيط للمريض .. واذا اكو تخطيط سابق عند المريض وجايبه وياه .. تقارنه ويه التخطيط الحالي

L=LocationIs :- the patient in the right place? Do they need to be moved to HDU or ICU? بعدها تشوف المريض المفروض يبقى بالطوارئ لو لازم تنقله لمكان ثاني .. مثلا للعمليات ..او للانعاش .. او للردهة التخصصية

M=Monitoring:-  How often would you like monitoring? Do they need neuro-obs? واذا بقه المريض يمك .. شنو الطريقه اللي تتابعه بيها .  تسويله جارت لو لا .. تستشير تخصصات اخرى وياك لو متحتاج

N=Next of kin:-  Has anyone informed the NoK? If not do you need to? طبعا بنفس الوقت .. اذا اجه المريض فاقد للوعي .. تدور على اللي وياه .. وتسالهم شنو اللي صار .. ومنو كان قريب  عالمريض من صارت عنده المشكلة

O=Oh, shit Stop and think. Are you OK? Do you need help?
ببعض الحالات .  تشوف نفسك ماكاعد تسيطر عالحالة وحدك .. هنا لازم تستعين بصديق .. لان اهم شي بهيج حالات
(team work )

P=Plan :- Have you documented your plan and informed the nursing staff?
هاي من اهم الخطوات .. اللي هو التوثيق .. لازم توثق كلشي انت سويته .. كل خطوة ...كل علاج .. وبالتاريخ والوقت

Q=Questions:-  Finally, does the patient have any questions about what's happened? هنا اذا المريض صار زين واستقرت حالته .. اكعد يم راسه .. وكله حجي هم عندك سؤال؟ .. عندك سالفه تحب تسولفها اليه؟ .. تره احنا خدام للطيبين .